Elmi biliklər ilk öncə elm adamlarının düşüncəsində (zehnində) varolması dolayısı ilə kök olaraq düşüncədə (zehində) varolmaqdır. Riyaziyyatçı ideal əşyalar olan riyazi anlayışlar dünyasında, təbiət elmləri üzrə elm adamı isə böyük ölçüdə anlayışlar sahəsində işləyirlər. Elm adamının nəticəsi yazılı mətnlərdə öz əksini tapır. Yəni dildə varolandır. Lakin mühəndisin vəziyyəti bir qədər fərqlidir. Çünki mühəndis elm və texnologiya sahəsindəki anlayışları (düşüncədə varolanları) istifadə etməkdə, istehsal prosesini (dildə varolanları) və həm də materialı – “dünyada varolanı” istifadə etməkdədir. Texnologiyanın son məhsulu bir əşyadır (və ya obyekt). Mühəndis üç müstəvidə də: düşünmə, dil və xarici dünya müstəvilərində iş görür.
“Elm adamları varolan dünyanı kəşf edir;
Mühəndislər isə əsla var olmayan dünyanı yaradır.”
Theodore von Karman
Müəllif: Azərbaycan Texniki Universitetinin “Mühəndis fizikası və elektronika” kafedrasının müəllimi Qadir QAFAROV